မြန်မာနိုင်ငံအင်ဂျင်နီယာအသင်းချုပ်၊ မြန်မာနိုင်ငံအင်ဂျင်နီယာအသင်းခွဲ(မြိတ်) ဗဟိုကော်မတီဝင် များ ကတိသစ္စာခံယူပွဲသို့တက်ရောက်

မြိတ် သြဂုတ် ၉

ယ​နေ့ နံနက် ၀၉၀၀ နာရီအချိန်တွင် မြိတ်မြို့နယ်၊ ပုလဲရတနာခန်းမ၌ မြန်မာနိုင်ငံ အင်ဂျင်နီယာအသင်းချုပ်၊ မြန်မာနိုင်ငံအင်ဂျင်နီယာအသင်းခွဲ(မြိတ်) ဗဟို​ကော်မတီဝင်များ ကတိသစ္စာခံယူပွဲ ကျင်းပပြုလုပ်ခဲ့ရာ အခမ်းအနားသို့ တနင်္သာရီတိုင်း​ဒေသကြီးအစိုးရအဖွဲ့ဝင်၊ စီမံကိန်းနှင့် ဘဏ္ဍာ​ရေးဝန်ကြီး ​ဒေါ်ရီရီချို၊ သက်ဆိုင်ရာဌာနဆိုင်ရာများ၊ မြန်မာနိုင်ငံအင်ဂျင်နီယာ အသင်းချုပ်၊ မြန်မာနိုင်ငံအင်ဂျင်နီယာအသင်းခွဲ(မြိတ်) ဗဟို​ကော်မတီဝင်များ တက်​ရောက်ခဲ့ကြ ပါသည်။

အခမ်းအနားတွင် မြန်မာနိုင်ငံအင်ဂျင်နီယာအသင်းချုပ်၊ မြန်မာနိုင်ငံအင်ဂျင်နီယာအသင်းခွဲ (မြိတ်) ဦး​ဆောင်နာယက၊ စီမံကိန်းနှင့် ဘဏ္ဍာ​ရေးဝန်ကြီး ​ဒေါ်ရီရီချို က အင်ဂျင်နီယာပညာရပ်သည် တိုင်းပြည်တည်​ဆောက်​ရေးတွင် အ​ရေးကြီးသည့် ကဏ္ဍတစ်ခုမှ ပါဝင်​နေ​ကြောင်း၊ အင်ဂျင်နီယာ များသည် မြို့ပြအလှဆင်သူများအဖြစ်မှ ​လောကအလှဆင်သူများအဖြစ် တိုင်းပြည်တိုးတက်​အောင် ပူး​ပေါင်း​ဆောင်ရွက်​ပေး​စေလို​ကြောင်း အဖွင့်အမှာစကား ​ပြောကြားခဲ့ပါသည်။

ဆက်လက်၍ မြန်မာနိုင်ငံအင်ဂျင်နီယာအသင်းချုပ်၊ မြန်မာနိုင်ငံအင်ဂျင်နီယာအသင်းခွဲ(မြိတ်) ဗဟို​ကော်မတီဝင်များ၏ အမည်စာရင်းများအား ဖတ်ကြားခဲ့ပြီး သဘာပတိက တက်​ရောက်လာ သူများထံမှ အတည်ပြုချက်ရယူခဲ့ပါသည်။ ထို့​နောက် နာယကတစ်ဦးမှ ဗဟို​ကော်မတီဝင်များအား ကတိသစ္စာတိုင်တည်​ပေးခဲ့ပြီး မြန်မာနိုင်ငံအင်ဂျင်နီယာအသင်းခွဲ(မြိတ်) ဥက္ကဋ္ဌ က မိတ်ဆက်စကား​ပြောကြားခဲ့ပါသည်။

ဆက်လက်ပြီး အခမ်းအနားဖြစ်​မြောက်​ရေးအတွက် ပူး​ပေါင်း​ဆောင်ရွက်​ပေးကြ​သော ကုမ္ပဏီများအား ဂုဏ်ပြုမှတ်တမ်းလွှာများ ​ပေးအပ်ခဲ့ပြီး အ​ထွေ​ထွေအတွင်း​ရေးမှူးတစ်ဦးမှ ​ကျေးဇူးတင်စကား​ပြောကြားခဲ့ကာ ၁၀၀၀ နာရီအချိန်တွင် အခမ်းအနား ပြီး​မြောက်ခဲ့​ကြောင်း သတင်းရရှိပါသည်